UNICEF-hreyfingin 2017

30.05.2017

Eins og undanfarin ár tekur Bíldudalsskóli þátt í verkefni UNICEF en eitt markmiða UNICEF-hreyfingarinnar er valdefling barna. Mikilvægur þáttur hennar er að fræða börnin um Barnasáttmála Sameinuðu þjóðanna og aðstæður jafnaldra sinna um allan heim, efla þau til þátttöku, og gefa þeim tækifæri til að sýna hug sinn í verki með framlagi til mannúðarmála. Hugmyndin er að þau átti sig á að öll börn eigi sömu réttindi og að saman geti þau lagt sitt af mörkum – hvert með sínum hætti – til að gera heiminn að betri stað.

 

Börnin safna hóflegum áheitum frá sínum nánustu með stöðvavinnu sem fer fram í ratleik fimmtudaginn1. júní.

 

Þeir sem vilja gefa í söfnunina eru beðnir um að setja peninga (hver og einn ræður framlaginu) í umslag sem nemendur hafa með sér heim í dag.

 

Helmingur söfnunarfjárins rennur til neyðarsöfnunar UNICEF fyrir Sýrland, þar sem menntun barna er eitt stærsta verkefni UNICEF ásamt því að útvega vatn og veita grunnheilbrigðisþjónustu. Hinn hluti framlaganna rennur til réttindafræðslu og réttindagæslu barna á Íslandi, en á síðasta ári gaf UNICEF út skýrslu um börn sem líða efnislegan skort og í ár er sjónum beint meðal annars að börnum á flótta hér á Íslandi.

Please reload

Nýlegar fréttir

October 24, 2019

September 25, 2019

Please reload

Flokkun
Please reload

Fylgdu okkur
  • Facebook Basic Square
  • Twitter Basic Square
  • Google+ Basic Square

Bíldudalsskóli - Dalbraut 2 - 465 Bíldudal - 450 2334

bildudalsskoli@vesturbyggd.is

© 2016 Bíldudalsskóli

  • w-facebook

Tjarnarbrekka - Tjarnarbraut 11 - 465 Bíldudal - 450 2334

tjarnarbrekka@vesturbyggd.is