Laust starf skólaliða við Bíldudalsskóla

10.11.2017

 

Skólaliði óskast til starfa í 100% starf við Bíldudalsskóla frá 1. febrúar 2018 með starfsstöð í grunnskólanum. Laun eru samkvæmt kjarasamningum Sambands íslenskra sveitarfélaga og Starfsgreinasambands Íslands.

 

Bíldudalsskóli er sameinaður leik- og grunnskóli með um 46 nemendur og 10 starfsmenn. Í Bíldudalsskóla er metnaðarfullt skólastarf, gott starfsumhverfi og góð samvinna starfsfólks, nemenda, foreldra og annarra samstarfsaðila skólans. Bíldudalsskóli starfar eftir Uppbyggingarstefnunni eða Uppeldi til ábyrgðar sem miðar að því að ýta undir ábyrgðarkennd og sjálfstjórn barna og unglinga og þjálfa þau í að ræða um tilfinningar og átta sig á þörfum sínum. Vinnuaðferðunum er einnig ætlað að styðja starfsmenn skóla við að móta sér skýra stefnu varðandi samskipti og agamál.

 

Helstu verkefni

  • Að aðstoða nemendur í leik og starfi og leiðbeina þeim í samskiptum,

  • Daglegar ræstingar samkvæmt starfslýsingu skólaliða

  • Annast gæslu nemenda í frímínútum og biðtímum

  • Annast almenna gangavörslu og eftirlit með umgengni nemenda um skólann

  • Aðstoðar nemendur í anda Uppeldis til ábyrgðar og leiðbeinir þeim í samskiptum við aðra í samræmi við stefnu skólans

  • Fer í vettvangsferðir með nemendum þegar við á

  • Sinnir öðrum þeim verkefnum sem stjórnendur skólans fela honum og geta fallið að starfslýsingu

 

Menntun og hæfniskröfur

  • Lipurð í samskiptum og sveigjanleiki er skilyrði

  • Áhugi og reynsla á að vinna með börnum er skilyrði

  • Reynsla af skólastarfi er kostur

  • Hreint sakavottorð

Umsóknir skulu berast  til skólastjóra á netfangið asdissnot@vesturbyggd.is en umsóknarfrestur er til og með 15. desember n.k.

 

Ásdís Snót Guðmundsdóttir,

skólastjóri Bíldudalsskóla.

Please reload

Nýlegar fréttir

October 24, 2019

September 25, 2019

Please reload

Flokkun
Please reload

Fylgdu okkur
  • Facebook Basic Square
  • Twitter Basic Square
  • Google+ Basic Square

Bíldudalsskóli - Dalbraut 2 - 465 Bíldudal - 450 2334

bildudalsskoli@vesturbyggd.is

© 2016 Bíldudalsskóli

  • w-facebook

Tjarnarbrekka - Tjarnarbraut 11 - 465 Bíldudal - 450 2334

tjarnarbrekka@vesturbyggd.is