Í aðdraganda jóla

Í aðdraganda jóla litast hefðbundið skólastarf af ýmiss konar jólaundirbúning. Það er skemmtileg hefð í Bíldudalsskóla að nemendur senda hver öðrum jólakort og útbúa jólapóstkassa. Nemendur leggja alúð í þessi verkefni og það er notalegt að vinna saman og hlusta á jólatónlist í afslöppuðu andrúmslofti. Nemendur eru virkilega hugmyndaríkir þegar kemur að því að föndra og skreyta skólann fyrir jólin. Við leggjum áherslu á að njóta þessa tíma og eiga góða samveru.